Өзбекстан Республикасы да турмысымыздың барлық тараўларындағы сыяқлы социалык тараўларда да терең өзгерислерди әмелге асырыў ҳәзирги күнниң тийкарғы талабы болып табылады. Халықты социаллық қорғаў ҳәм социаллық тамийнат, халықтың саламатлығы ҳәм ден саўлықты сақлаў системасы, кадрлар таярлаў ҳәм билимлендириў системасын раўажландырыў бүгинги күннин ең актуал ўазыйпаларынан болып қалды. Айнықса, социаллық бағдарланған базар экономикасына өтиў дәўиринде халықты социаллық қорғаў тууўрыдан туўры социаллық траяға жантасыўды талап етеди. Себеби, социаллық бағдарланған базар экономикасы, ең алды менен инсан мәплерин нәзерде тутады. Барлық реформалар процессинде республикамызда халықтың социаллық қорғалыўы ҳәм оны қоллап қуўатлаў, инсан ҳуқықлары ҳәм еркинликлериниң нызамшылық ҳәмде ҳуқықый тийкарларын формаландырыў ҳмде әмелге асырыў мәселелерине жүдә үлкен әхмийет берилди.