«Ulıwma til bilimi» eki ma`nini an`latadı: lingvistikanın` teoriyalıq tarawı, oqıw pa`ni. Ulı-
wma til bilimi lingvistikanın` teoriyalıq tarawı retinde XIX a`sirden baslap qa`liplesti. Jeke tiller
haqqındag`ı ilim a`yyemde-aq qa`liplesken menen, olar bir-biri menen baylanıssız edi. Tillerdin`
o`z-ara jaqın tuwısqanlıg`ı, seslik tildin` ulıwma adamzatlıq qubılıs ekenligi, olar ortasında
ulıwmalıq ha`m spetsifikalıq nızamlıqlardın` bolatug`ınlıg`ı onsha itibarg`a alınbay kelgen edi.
Ulıwma til bilimi-lingvistikanın` ulıwma tillik teoriyası. Ol pu`tkil lingvistikanın`
bag`darın belgilewshi kompas ilim. Bur kurs soyuzlıq masshtabta o`z aldına kurs retinde
1963-jıldan baslap engizildi. Bul pa`nnin` maqseti studentlerdi teoriyalıq lingvistikanın` en` negizgi
ma`selelerinen хabardar etiw. Olarg`a til tuwralı ilimnin` o`tken tariyхınan, ha`zirgi
jag`dayınan, rawajlanıw bag`darınan, ilimnin` aldında turg`an baslı problemalardan sistemalı bilim
beriw. Bul kurs 4 bo`limge bo`linip oqıtıladı: lingvistika tariyхı, tildin` teoriyası, lingvistikalıq me-
todlar, til biliminin` basqa ilimler menen qarım-qatnası.