Өзбекстан халықларының өтмиш тарийхына нəзер салатуғын болсақ, бул үлке халықлары
оғада бай руўхый, тарийхый, мəдений мийрасқа ийе халықлардан болып есапланады.
Бугинги Өзбекстан Республикасының барлық тараўларында бизлердиң көз алдымызда
ҳəм өзлеримиздиң тиккелей қатнасыўымызда үлкен унамлы өзгерислер жүз бермекте.
Ғəрезсизлик шарапаты менен республика ден-саўлықты саклаў, билимлендириў,
экономика ҳəм тағы басқа да тараўларда қайта қарап шығыўлар, қайта ой жүритиўлер
даўам етип, жаңадан-жаңа дəстүрлер, нызамлар қабыл етилмекте.
Мəмлекетимиз президенти И. А. Каримов 1993-жыл 28-сентябрь, Б.М.Ш ның 48-
сессиясында жасаған баянатында, Өзбекстанды дүньяға ең əййемги ҳəм ең жас мəмлекет
сыпатында танытты . Өзбекстан халқы өзиниң бир неше мың жыллық тарийхына ийе.
Үлкемиз халықлары өз өмирлери даўамында, ҳəр қыйлы мəмлекетлердиң қол астында
өмир сүрди ҳəм барлық ўақытта басқыншыларға карсы миллий азатлық гүреслерин
жүргизип келди.Үлкемиз халықлары б.э.ш ги IV əсирде А. Макендонскийдиң жаўлап
алыўшылығын бастан кеширген болса, эрамыздың VIII əсиринде ямаса 705-715- жыллар
аралығында Кутейба ибн Муслим басшылығындағы Араб жаўлап алыўшылығын, XIII
əсирде Шынғысхан басшылығындағы монголлар жаўлап алыўшылығын бастан кеширди.
XIX əсирдиң 60-80-жылларында Түркстан үлкеси Россия империясының колониясына
айландырылды. Бул жаўлап алыўшылар тек ғана үлкемиздеги сиясий ҳəкимиятты ғана
ийелеп алыўға еристи, халқымыз өзлериниң үрип-əдет дəстүрлерин, миллий
қəдириятларын əўладтан-əўладқа жеткерип бүгинги күнге шекем сақлап келди.