Ўзбекистон Республикаси Конститусиясининг 28-моддасига мувофиқ, Ўзбекистон Республикаси фуқароси республика ҳудудида бир жойдан иккинчи жойга кўчиш, Ўзбекистон Республикасига келиш ва ундан чиқиб кетиш ҳуқуқига эга. Қонунда белгиланган чеклашлар бундан мустаснодир.
Ўзбекистон Республикаси ҳудудида eркин ҳаракат қилиш, шунингдек Ўзбекистон Республикасига келиш ва ундан чиқиб кетиш тўғрисидаги конститусиявий норма фуқароларнинг номулкий ҳуқуқидир. Фуқароларнинг eркин ҳаракатланиш ҳуқуқи, шу жумладан Ўзбекистон Республикасидан чиқиб кетиш ҳуқуқи фақат қонунда назарда тутилган ҳоллардагина чекланиши мумкин. Xусусан бундай чеклов “Суд ҳужжатларини ва бошқа органлар ҳужжатларини ижро этиш тўғрисида”ги Қонуннинг 42-1-моддасида назарда тутилган ҳолларда қўлланилиши мумкин.