Оғишлар доим “+” , ёки “-” ишораларига эга. Оғишлардан биттаси юқори ёки қуйиси нолга тенг бўлиши мумкин.
Агар икала оғиш “+” ишорага эга бўлса, чекка ўлчамлар номинал ўлчамдан катта бўлади, агарда икала оғиш “-” ишорасига эга булса, чекка ўлчамлар номинал ўлчамдан кичик бўлади. Жоизлик (Т) – энг катта ва энг кичик чекка ўлчамлар ёки юқори ва қуйи оғишлар орасидаги алгебраик айирма. Жоизлик доим мусбат бўлади ва унинг ишораси к´рсатилмайди. Белгилари: ТD - тешик учун, Тd - вал учун. Cтандарт жадваллари ва жоизлик майдонлари жойлашиши схемаларида чекка оғишлар микрометр (мкм) хисобида, чизмаларда эса миллиметр (мм) хисобида кўрсатилади. Улар номинал ўлчам ёнида майдароқ рақамлар билан кўрсатилади. Симметрик жойлашган оғишлар бундан истисно бўлиб, уларни қиймати номинал ўлчам кўрсатилган рақамлари билан тенг рақамлар билан кўрсатилади.
Қуйида йиғма ва деталлар чизмаларида оғишларни кўрсатиш мисоллари кўрсатилган.
Чизмаларда оғишларни, рақамлар ёнида квалитети қўйилган харфлар ва уларни биргаликда кўрсатиш мумкин (1.1-расм).
Йиғма чизмада (1.1 а,б,в-расм) иккала туташган деталлар оғишлари кўрсатилиши шарт. Номинал ўлчам ёнидаги каср суратида тешик, маҳражида эса валнинг оғишлари кўрсатилади. Нолга тенг оғишлар чизмаларда кўрсатилмайди.