: O`spirimlik jasindag`i oqiwshilardi o`zlikti an`law ha`m o`z- o`zin basqariwg`a u`yretiwdin` usillari

Temanin` aktuallig`i: rawajlaniwda, reformalarda ma`na`wiyatsiz bolmaydi. Insan sanasi barliq reformalar orayi bolip, ja`miyet, sotsial-ekonomikaliq, ma`deniy o`mirdi o`zgertiw menen bir qatarda o`zi de o`zgerip baradi, jan`a turmisqa maslasadi ha`m onin` keleshegin belgileydi. Xaliqtin` ma`na`wiy ruwxin bekkemlew ha`m rawajlandiriw O`zbekstanda ma`mleket ha`m ja`miyettin` en` a`hmiyetli waziypasi bolip esaplanadi. O`tken a`sirdin` 80-jillarinan-aq ma`mlekette milliy o`zligin an`law protsessi tez tus alg`an edi. O`zligin an`law g`a`rezsizlikke umtiliw degen bolip esaplanadi. Bul milliy o`zligin an`law protsessi bolip, milliy g`a`rezsizlik ideasi ha`m ha`reketin ju`zege keltirdi. Bul protsesstin` siyasiy miyweleri 1989-jilda o`zbek tilin ma`mleketlik til dep ja`riyalawi, 1990-jilda eski sovet awqamlas Respublikalari arasinda birinshi bolip basqariw institutin ashiliwi, O`zbekstannin` ma`mleketlik suvereniteti dekloratsiyasin qabil etiliwide payda boldi. Ma`na`wiyatsiz bolg`an ha`r qanday waqiya jaqsiliqqa alip kelmeydi. Soni jaqsi an`lag`an O`zbekstan Respublikasi hukimeti ha`m Prezidenti ja`miyet aldina en` a`hmiyetli waziypalardan biri sipatinda ma`na`wiy-ruxiy tikleniw, jas a`wladqa milliy o`zligin toliq an`latip jetkeriw waziypasin qoydi. Milliy qa`driyatlardi tiklew ha`m milliy o`zligin an`law babinda O`zbekstan Respublikasinda bir qatar isler a`melge asirildi. Bul boyinsha A`mir Temur, Imam al-Buxariy, at-Termiziy, Bahauddin Nahshbandiy, Xoja Axmed Yassawiy ha`m basqa ko`plep ulli insanlardin` ulli atlari tikleniwi jas a`wladlarimiz ushin u`lgi ha`m maqtanishimiz bolip xizmet etpekte.