Мазкур қўлланмада Маънавият асослари фани бўйича зарур билимлар жамланган бўлиб, унда фанга оид билимларни талабалар онгига етказиш, дарсда янги педагогик технологиялардан фойдаланиш масалалари кенг ўрин олган. Шу билан бирга ўқув қўлланмада ҳар бир дарс бўйича дарс ишланмалари берилиши билан бирга, мавзуларга оид таянч сўз ва иборалар, назорат саволлари, мустақил таълим мавзулари ҳамда адабиётлар рўйхати ўрин олган.
Қўлланма Олий таълим муассасалари профессор-ўқитувчилари, бакалавр ва магистратура босқичи талабалари ҳамда тадқиқотчилар учун мўлжалланган. Унда фаннинг ишчи ўқув дастури асосида барча мавзулар қамраб олинган бўлиб, дарс ишланмалари фанга қўйилган барча талаблар доирасида ёритилган.