Endokrin bezlar odam organizmida bo`ladigan moddalar va energiya, almashinuviga muskullar, yurak va qon tomirlari, oshqozon-ichak tizimi faoliyatiga kuchli ta`sir qiladi. Bu bezlarning me`yoridan kuchli ishlashi giperfunksiya, kam ishlashi gipofunksiya deyiladi va har ikkala holat ham a`zolar va tizimlar funksional holatlarida sezilarli o`zgarishlar keltirib chiqaradi. Masalan qalqonsimon bez giperfunksiyasida asab tizimida qo`zg`aluvchanlik oshib, yurak urishi tezlashib ketsa, gipofunksiyasida tanadagi oksidlanish jarayonlari susayib, tana massasi ko`payib ketadi, kishida xotira pasayadi va hokazo