Molekula tuzilishida karboksil -COOH guruhini saqlagan uglevodorodlar karbon kislotalar deb ataladi. Struktura tuzilishidagi karboksil guruhining soniga qarab ularning asosligi belgilanadi. Chumoli, sirka, propion, moy, izovalerian va shunga o`xshash tarkibida bitta karboksil guruh saqlagan kislotalar bir asosli, oksalat, malon, qaxrabo kabi kislotalar esa ikki asosli kislotalar guruhiga kiradi. Bunday birikmalar o`zlari barqarorligi, tibbiyot amaliyotida keng qo`llanishi va yuqori biologik faollikga ega bo`lganligi bilan farqlanadi.