Ўзбекистон Республикаси хукумати томонидан олиб борилаётган ислохатларнинг энг муҳим масалаларидан бири кичик бизнес ва хусусий тадбиркорлик корхоналари томонидан мамлакат ялпи ички махсулоти ишлаб чиқариш хажмларини кескин ошириш, меҳнат ресурслари бандлиги масаласини ҳал этиш, аҳоли даромадларини кўпайтириш, миллий фаровонликни таьминлашдан иборатдир. Негаки, йирик ишлаб чиқариш корхоналарига қараганда кам маблағ ва вақт талаб этадиган ҳамда бозордаги турли ўзгаришларга моил бўлган кичик бизнес ва хусусий тадбиркорлик субьектлари махсулот турларини янгилаш, ишлаб чиқаришни модернизациялаш ва шу билан бирга вақти вақти билан такрорланиб турадиган иқтисодий инқирозларга мослашувчан ҳисобланадилар.