Samarqand shahri nafaqat me’moriy obidalari, balki, qadimdan bunyod qilingan maysazoru bog’-rog’lari bilan ham mashhurdir. Shular qatori universitet xiyoboni haqida so’z yuritilganda, albatta shahrimizdagi markaziy istirohat bog’ini ham tilga olish lozim. Chunki ushbu ikki yashil maskan asrimizdan oldin bunyod etilgan bo’lib, uning bunyodkorlari bizning yurtimizga Yevropa va boshqa mamlakatlardan eng mashhur bo’lgan ko’p yillik daraxtlarni keltirib, bog’ barpo etishgan.