2001 йил 30 ноябрда Ўзбекистон Республикаси ва Халқаро Валюта Фонди (ХВФ) ўртасида 2002 йилнинг 1 январидан 30 июнгача бўлган даврда олиб бориладиган
иқтисодий ва молиявий сиёсат масалалари тўғрисида Меморандум имзоланиб, ушбу хужжатда валюта тизимини эркинлаштириш, қишлоқ хўжалиги секторини ислоҳ қилиш, банк тизимидаги ислоҳотларни чуқурлаштириш, валюта алмашинуви курсини бирлаштириш, бетараф статистика ташкилотини ташкил этиш бўйича кенг қамровли чора-тадбирлар кўзда тутилган эди. 2002 йилнинг ўрталарига келиб, Меморандумнинг биринчи босқичи асосан бажарилди, бунда биржадан ташқари ва параллел амашув курслари ўртасидаги фарқлар кескин камайди, биржадан ташқари валюта курсига ўтиш кенгайди, экспорт тўсиқлари камайди, банк соҳасида чуқур ислоҳотлар бошланди.