Ўзбекистон Республикаси ишонч билан мустақил ривожланиш йўлидан бориб, ҳуқуқий демократик давлат барпо этиш мақсадида улкан ишларни амалга оширяпти.Бу янгиланиш ва ўзгаришларни ҳозирги кунда ва яқин келажакда амалга ошириш учун юқори савиядаги мутахассис кадрлар керак бўлишини тақазо этади, чунки ўз кадрларимизга суянган ҳолда лойиҳаларни ишлаб чиқиш ва уларни қуриш ишларини олиб бориш Республикамизнинг тараққиёти учун ўта муҳимдир.
Республикамиз ҳукумати ва Президенти томонидан олиб борилаётган ижтимоий-иқтисодий сиёсатда мамлакат ҳаётининг барча жабҳаларини ривожлантиришга, айниқса, ёш авлодни миллий мафкура руҳида тарбиялашда жуда катта эътибор берилмоқда. Ҳозирги кунда таълим олаётган ёшлар Республикамизнинг келажагидир. Шу сабабли келажак авлодга таълим-тарбия беришда юксак малакали ўқитувчилар тайёрлаш ва уларнинг малакасини ошириш масалаларига катта эътибор қаратилмоқда.