Bu davr ijodkorlari va ular yaratgan asarlarning о`zbek milliy she’riyatida tutgan о`rni, badiiy salmog`i, davr muammolarining ifodalashdagi о`ziga xosligi, asar markazida turgan qahramonning ma’naviy-estetik olami kabi tomonlarga baho berish ishning asosiy maqsadidir.
Ma’lumki, bitiruv malakaviy ish manbai sifatida tanlangan davr 1990-2000 yillar oralig`ini va yangicha dunyoqarashning shakllana borish jarayonlarini о`z ichiga qamrab oladi. Erk, Istiqlol, О`zlikni anglash hislari bu davr kishilari tabiatida ochiq kо`rina boshladi. Xalqdagi milliy о`z-о`zini anglash tuyg`ularini badiiy ta’sirchan qilib berish ijodkorning maqsadlariga aylana bordi.