Мавзунинг долзарблиги. Юрак ишемик касаллиги (ЮИК) тарқалиши бўйича аниқланган рақамли маълумотлар ушбу мавзунинг долзарблигини белгилаб беради. Қатор ривожланган мамлакатларда кардиологик касалликлар ўлим холатлари структурасида етакчилик қилади ва ногиронликка олиб келувчи асосий сабаблардан биридир (Ю.Н.Беленков, 1993; А.Л.Аляви, 1999; Р.Д.Курбанов, 2001; Ю.Н.Замотаев, 2001; А.Л.Верткин, Н.Б.Лебедев, 2003; W.Jang, 2003.). XXI аср бошларида юрак-қон томир касалликлари (ЮҚТК) Ўзбекистон ахолиси ўртасида ўлимга олиб келувчи асосий омиллардан бири хисобланади.