Ушбу ўқув қўлланма “Қуръоншунослик” фанига оид бўлиб,
“Қуръоннинг жамланиши”, “Қуръон илмлари”, “Қуръон
мавзулари ва таълимотлари”, “Тафсир илми” каби муҳим
мавзулардан иборат.
Қуръоншунослик фанининг мақсади Қуръон тарихи,
Қуръон илмлари, тафсир илми ва у билан боғлиқ билимларни
холислик, тарихийлик, илмийлик асосида ёритиб беришдир.
Бунинг учун қуйидаги вазифаларни амалга ошириш талаб
этилади:
– Қуръоннинг тарихи, жамланиш босқичларига оид
ривоятлар ва тадқиқотларни таҳлилий ўрганиш;
– мусулмон халқлар орасида Қуръон, қироатларнинг тутган
ўрнини аниқлаш;
– Қуръон илмлари яхлит тарзда ўрганилган асарлар,
уларнинг муаллифларининг ҳаёти ва фаолиятини билиш;