Ўзбекистон қишлоқ хўжалиги соҳаси иқтисодиётнинг асосий соҳаларидан бири бўлиб, унда етиштирилаётган маҳсулотлар аҳолининг истеъмолига берилади. Мустақиллик йилларида қишлоқ хўжалиги соҳасида амалга оширилган ислоҳотлар бу соҳада ҳам янги тартибдаги иш юритиш тизимининг шаклланишига сабаб бўлди. Натижада маҳсулот ишлаб чиқариш ҳажми ортди. 2011 йилни сарҳисоб қила туриб Президентимиз қишлоқ хўжалиги соҳасидаги эришилган ютуқларни қуйидагича тавсифладилар: “Энди, рухсатингиз билан, қишлоқ хўжалигида амалга оширилаётган ишларимизнинг натижалари ҳақида қисқача тўхталиб ўтмоқчиман.
Бу ҳақда гапирганда, аввало, мураккаб об-ҳаво ва иқлим шароити туфайли вужудга келган муаммо ва қийинчиликларга қарамасдан, қишлоқ меҳнаткашларининг фидокорона меҳнати ҳисобидан 2011 йили энг муҳим қишлоқ хўжалик маҳсулотлари давлат хариди бўйича шартнома мажбуриятлари нафақат бажарилгани, балки ортиғи билан бажарилганини таъкидлаш ўринлидир”