Маълумки, корхоналарда ишлаб чиқарилаётган маҳсулотлар сифатини кўтариш, уларнинг таннарҳини пасайтириш долзарб масалалардан бири бўлиб ҳисобланади. Ушбу масалаларнинг ечими нафақат маҳсулот ишлаб чиқарувчи субъектларни, балки иқтисодчи олимларни ҳам қизиқтириб келмоқда.
Аксарият иқтисодчи олимларнинг фикрича маҳсулот таннарҳини пасайтиришга иш ҳақи харажатларини камайтириш орқали эришилса, бошқа олимларининг фикри бу масала бўйича ўзгачароқ бўлиб, уларнинг фикрича маҳсулот таннарҳини камайтиришга асосий фондлардан самарали фойдаланишга боғлиқдир.