Бозор иқтисодиёти шароитида ислоҳотларни изчил амалга ошириш, ишлаб чиқаришни ҳудудий ташкил этиш ва бошқаришда йирик шаҳар ва шаҳар агломерациялари муҳим ўрин тутади. Хусусан, ҳозирги жаҳон молиявий-иқтисодий инқирозини олдини олиш ва бартараф қилиш, миллий ва минтақавий иқтисодиётда таркибий ўзгаришларни амалга ошириш, республикамизда қабул қилинган “Қишлоқ тараққиёти ва фаровонлиги йили” ҳамда “Кичик бизнес ва хусусий тадбиркорлик йили” Давлат дастурларини ҳаётга татбиқ этиш турли йирикликдаги шаҳарлар ривожланишини тақозо қилади.