Мазкур рисолада Ўрта Осиёлик буюк мутафаккир Абу Наср Форобий, ҳамда шарқ мутафаккирлари таълимотининг сиёсий-ҳуқуқий қарашлари шаклланишига катта таъсир этган юнон олимларининг жумладан, Афлотун ва Арастунинг сиёсий ва ҳуқуқий жиҳатларини ёритишга ҳаракат қилинди. Шу билан бирга қадим юнон ҳамда Марказий Осиё мутафаккирлари қарашларида фуқаролик жамияти тўғрисидаги тасаввурларнинг асослари таҳлилий, қиёсий ўз ифодасини топган.
Юлий Цезарь даврида эса, кўпчилиги ёндириб юборилган. Биринчи бўлиб Птоломей Арасту ҳаёти ва ижодини ёзган бўлса, Абу Наср Форобий, Абу Али Ибн Сино, Беруний, Ибн Рушд каби шарқ мутафаккирлари Арасту асарларини нафақат Шарқда, балки Европада қайта тикланишига катта хизмат қилишган. Бугунги кунга қадар юнон олимларнинг илмий мероси жаҳон сиёсий-ҳуқуқий таълимотларида ўрганилишига шарқ алломаларининг, айниқса, Абу Наср Форобийнинг хизмати чексиздир. Ушбу хизматлари туфайли Абу Наср Форобий “Муаллими соний”, яъни иккинчи муаллим деган фахрли номга сазовор бўлган.
Арасту илмий меросини ўрганиш, уни таҳлил этиш шуни кўрсатадики, турли даврларда Арасту асарларига турлича муносабат билан қаралган. Масалан, Форобий ўзининг идеал жамият ҳақидаги қарашларини Арастунинг идеал жамият тўғрисидаги қарашлари асосида яратган ва ривожлантирган. Ибн Синонинг билиш назарияси Арастунинг билиш назариясига ўхшаш бўлган