Ушбу услубий кўрсатма 514900 касб таълими йўналиши бўйича таълим олаётган талабалар учун мўлжалланган бўлиб, “Сонли усуллар ва алгоритмлар” фанидан тажриба машғулотларини ўтказиш бўйича барча йўриқномаларни ва тажриба иши вариантларини ўз ичига олган.
Республикамизда олиб борилаётган ислоҳотларнинг тақдирида юқори малакали мутахассисларнинг роли бениҳоя каттадир. Президентимиз таъкидлаганларидек: «Эртанги кун янгича фикрлай оладиган, замонавий билимга эга бўлган юксак малакали мутахассисларни талаб этади».
Бу эса келажагимизни яққол тасаввур этиш, жамиятимизнинг ижтимоий-маънавий пойдеворини мустаҳкамлаш эҳтиёжини туғдиради. Демак, галдаги энг асосий вазифа: ёш авлодни Ватан равнақи, юрт тинчлиги, халқ фаровонлиги каби каби олижаноб туйғулар руҳида тарбиялаш, юксак фазилатларга эга, эзгу ғоялар билан қуролланган. Комил инсонларни вояга етказиш, жаҳон андозаларига мос, кучли билимли, рақобатбардош кадрлар тайёрлашдир.