Ушбу услубий кўрсатма 514900 касб таълими йўналиши бўйича таълим олаётган талабалар учун мўлжалланган бўлиб, “Сонли усуллар ва алгоритмлар” фанидан тажриба машғулотларини ўтказиш бўйича барча йўриқномаларни ва тажриба иши вариантларини ўз ичига олган.Талабалар дастурлаш тилларини ва йўналиш бўйича махсус фанларни ўрганиш натижасида дастурчи даражасига етишади. Лекин, улар олган назарий ва амалий билимларини амалий масалаларни ечишга қўллашда кўпгина қийинчиликларга дуч келишади. Чунки уларда типик, тақрибий масалаларни ечишда олий математика курсидан олган билимларгина мавжуд. Шунинг учун, ҳаётий масалаларнинг математик моделларини тушуна олишлари, уларни ечишнинг сонли-тақрибий,тақрибий-аналитик усулларини ўрганишлари учун «Сонли усулар ва алгоритмлар» фанининг аҳамияти катта ҳисобланади.
Ушбу услубий кўрсатма айнан шу мақсадда тузилган бўлиб, у фанни ўқитишда Республикамизда тўпланган кўп йиллик педагогик тажрибаларни илмий таҳлилдан ўтказиш натижасида ҳосил бўлган хулосаларга ҳамда Давлат таълим стандартларига мос наъмунавий дастур ва унга мос ишчи дастурларга асослангандир.