Meliorasiya va yer tuzish fanidan laboratoriya ishlari va amaliy mashg’ulotlar o’tkazish uchun uslubiy qo’llanma Agrokimyo va agrotuproqshunoslik, Agronomiya dala ekinlari bo’yicha, Qishloq xo’jalik ekinlari seleksiyasi va urug’chiligi, Ipakchilik, Kasbiy ta`lim Agronomiya, Qishloq xo’jalik mahsulotlarini yetishtirish, saqlash va ularni dastlabki qayta ishlash texnologiyasi yo’nalishlari bo’yicha ta`lim olayotgan bakalavriat talabalari uchun uslubiy qo’llanmasi sifatida tayyorlangan va undan o’qituvchilar shuningdek, xo’jalik mutaxassislari ham foydalanishi mumkin.O’zbekiston Respublikasi konstitutsiyasining 55 moddasida tabiiy resurslardan oqilona foydalanish ko’rsatilgan. Yerdan ilm-fan tavsiyalari asosida samarali foydalanish, uning muhofazasini to’g’ri ta’minlash, shak-shubhasiz qishloq xo’jaligini rivojlanishining asosiy omillaridan biridir. Ishlab chiqarishning har qanday vositalaridan to’g’ri va samarali foydalanish ko’p jihatdan uning eng muhim xususiyatlarini qanchalik chuqur va har tomonlama o’rganishga bog’liq. Bu eng avvalo tuproqqa tegishli bo’lib, undan oqilona foydalanish, tuproqning unumdorligini oshirish, tuproqning sifati, bonitirovkasi, iqtisodiy bahosini, muxofazasini bilish, tuproq eroziyasiga, sho’rlanishiga, zichlanishiga va boshqalarga qarshi tadbirlar muayyan elementlar aniq qonunchilik yuli bilan boshqarishni talab qiladi. O’zbekiston Respublikasida yangi agrar islohatlarni amalga oshirish uchun «Suv va undan foydalanish to’g’risida» (1993 yil 6 may), «Yer kodeksi» (1998 y. 30 aprel), «Yer kadastri» (1998 yil 28 avgust) kabi qator qonun va qarorlar qabul qilingan hamda ular asosida qishloq xo’jaligida tub islohatlar amalga oshirilmoqda.