Маъруза матнлари “Менежмент» (тармоқлар бўйича) таълим йўналиши бўйича тахсил олаётган талабалар учун мўлжалланган. Шунингдек, ушбу маъруза матнларидан меҳнат иқтисодиёти ва социологияси муаммоларига қизиқувчилар ҳам фойдаланишлари мумкин. Ушбу муаммоли маърузалар матни ТДИУ профессорлари Қ.Абдураҳманов ва Ш.Холмўминовлар томонидан “Меҳнат иқтисодиёти ва социологияси” фани бўйича тайёрланган маърузалар матни асосида ишлаб чиқилган.Инсон ўз табиатига кўра, ижтимоий мавжудотдир. У ўзига ва яқин кишиларига турмуш кечириш учун қулай шарт-шароитлар яратади. Шу тариқа иқтисодиёт олами вужудга келади. Инсоният тараққиётининг тарихи – бу иқтисодий ва ижтимоий муносабатлар, шу жумладан,, ижтимоий меҳнат тақсимоти соҳасидаги муносабатларнинг ривожланиш тарихидир. Шунинг учун ҳам Пайғамбаримиз Муҳаммад Саллоллоҳу Алайҳи Васаллам эзгулик, хайрли ишлар ва олижаноблик кучини ўз шахсий ҳаёти орқали кўрсатиб беришга интилгани ва яхшилик уруғини сочишга чақирганлиги ҳамма учун ибратлидир. У жамиятда меҳнатнинг тутган ўрнини юксак баҳолаб, «Меҳнат қилишдан уялманг. Меҳнат қилиш – ибодат қилишга баробар», - деб уқтирганлигини таъкидлаган ҳолда, бугунги кунда ҳам меҳнат ва у билан боғлиқ жараённи ўрганишга бўлган интилиш янада ривож топиб, иқтисодиётда муҳим ўрин тутишини яна бир бор таъкидламоқ даркор.
Айнан меҳнат тўғрисида жуда кўп мақоллар ва ҳикматлар вужудга келганлиги кўпгина мумтоз санъат асарларида ҳам меҳнат муносабатлари ўз ифодасини топганлиги бежиз эмас. Улар маданият, ижтимоий муносабатлар, анъаналар ва тажрибаларни акс эттиради.