Temir yul transportida turli vazifalarni bajaradigan radio-stansiyalarning «efirda» nurlatishining doimo ko`payib borishi, energetika tizimlari va turli xil elektrotexnik xamda boshqa qurilmalarning yaratilishi, radiohalaqit manbalarining ko`payishiga olib kelmoqda.
Bunday sharoitlarda elektrmagnit resurslardan samarali foydalanish, radioaloqaning kelajakda rivojlanishini belgilay-digan bosh masala hisoblanadi.
Radio bo`yicha Xalqaro konsultativ qo`mita (RXKQ) tavsiyasiga muvofiq elektrmagnit tebranishlarning keng spektridan (10–3 – 1024 Gs dan 3 - 3∙1012 Gs gacha) radiochastotalar ajratilib, ular 12 ta diapazonga bo`lingan.
Diapazon – 0,3∙10n dan 3∙10n Gs gacha bo`lgan radiochastota sohasi hisoblanadi, bu yerda: n = 1, 2, 3 ... 12 – oraliqlar raqami. Bunda radiochastota ”diapazon”i bilan “oralig`i” ni aralashtirib yuborish mumkin emas. Ular har xil tushunchalardir. “Oraliq” radiochastota sohasi bo`lishi ham mumkin, lekin u bitta yoki ikkita diapazonlarning bir qismiga tegishli bo`ladi. Radiochastota diapazonlari va radioto`lqinlarning nomlari hamda chegaralari K.1-jadvalda keltirilgan.