Ислоҳотларни чуқурлаштириш шароитида иқтисодиётнинг барча тармоқларида хўжалик фаолиятини бошқаришга янгича ёндошиш долзарб аҳамият касб этмоқда. Маълумки, аҳоли аксарият қисмининг фаолияти қишлоқ хўжалиги билан боғлиқ бўлган Ўзбекистон шароитида аграр соҳанинг мамлакат ижтимоий-иқтисодий тараққиётидаги ўрни.Ислоҳотларни чуқурлаштириш шароитида иқтисодиётнинг барча тармоқларида хўжалик фаолиятини бошқаришга янгича ёндошиш долзарб аҳамият касб этмоқда. Маълумки, аҳоли аксарият қисмининг фаолияти қишлоқ хўжалиги билан боғлиқ бўлган Ўзбекистон шароитида аграр соҳанинг мамлакат ижтимоий-иқтисодий тараққиётидаги ўрни каттадир. Мамлакатимизда амалга оширилаётган туб ижтимоий-иқтисодий ислоҳотларнинг мувафаққияти, аҳоли турмуш даражасини ошириш ва уни сифат жиҳатдан яхшилаш, иқтисодиётнинг самарали фаолиятини таъминлаш қишлоқ хўжалиги ривожланиш даражасига узвий боғлиқ. Қишлоқ хўжалигида иқтисодий ислоҳотларнинг мувафаққиятли амалга оширилиши натижасида турли мулкчиликка асосланган мустақил фаолият кўрсатувчи хўжалик субъектлари сони кўпайиб бормоқда. Мамлакатимиз Президенти И.А.Каримов таъкидлаганидек, «ҳозирги вақтда фермер хўжаликлари қишлоқ хўжалик маҳсулотлари ишлаб чиқаришни ташкил этишнинг энг самарали шакли эканини ҳаётнинг ўзи тасдиқлаб бермоқда» .
Иқтисодиётни модернизациялаш шароитида ҳар бир ҳудуднинг ички салоҳиятидан келиб чиққан ҳолда, қишлоқ хўжалигида етакчи кучга айланган фермер хўжаликларининг ривожланиши билан боғлиқ ҳудудий муаммоларни ўрганиш муҳим аҳамият касб этмоқда. Наманган вилояти республика иқтисодий маконида қишлоқ хўжалигининг ривожланиш имкониятларини катталиги билан ажралиб туради. Таҳлиллар кўрсатишича аҳолининг аксарият қисми (86 фоиз) вилоят ҳудудининг 52 фоизида жойлашганлиги ва қишлоқ аҳолиси салмоғининг юқорилиги (70,1 фоиз), ташкилий-иқтисодий инфратузилмаларнинг заиф ривожланганлиги ва бошқа қатор омиллар қишлоқ хўжалиги ишлаб чиқаришини ташкил этиш ва унинг иқтисодий диагностикаси билан боғлиқ ҳудудлараро муаммоларни юзага келтирмоқда.