Халқимизнинг чорва махсулотларига бўлган эҳтиёжини тўлароқ қондириш учун чорвачиликнинг барча тармоқларини жадал ривожлантириб, сифатли ва арзон махсулот (гўшт, сут, жун ва х.к.) ни кўпроқ етиштириш талаб этилади. Бунинг учун чорва маҳсулотларини етиштириш технологиясини замон талаби асосида ташкил этиш, ҳар бир зона учун мос бўлган чорва моллари ва паррандалари зотини яратиш ва зооветеринария талаблари асосида самарадорликни ошириш ҳисобига маҳсулот таннархини арзонлаштириш ғоят муҳимдир.Чорвачиликнинг барча тармоқларида бўлгани каби қорамолчиликда ҳам кўп ва сифатли маҳсулот етиштириш давр талабидир, бинобарин қорамолчиликни талаб асосида ривожлантириш ва ихтисослаштириш учун барча ширкат, фермер ва деҳқон хўжаликларида қорамолчилик фермаларини йириклаштириш ва уларда мустаҳкам ем – хашак базасини яратиш, бузоқларни парваришлашга алоҳида эътибор бериш, сигирлардан янада кўпроқ ва сифатли сут соғиб олиш, новвосларни жадал усулларда боқиш, фермаларда зоогигиена талабларига риоя қилиш керак.Сут маҳсулотлари (сариёғ, қаймоқ, пишлоқ, қатиқ, сузма, творог ва х.к) нинг тўйимли ва мазали бўлиши кўп жихатдан молларга тузиладиган рационга, ем-хашак турларига ва унинг тўйимлилигига боғлиқ бўлади. Булардан ташқари, сифатли сут етиштиришда сигирларнинг соғлигига санитария ва гигиена қоидаларига тўла риоя қилиш шарт.