Наслчилик ишида танлаш ва саралашнинг аҳамиятини ўрганиш ва мавзуни ўқитиш услублари мазмун моҳияти очиб берилган.Республика хўжаликларида чорвачиликни ривожлантириш, уларнинг маҳсулдорлигини янада ошириш, мустаҳкам озуқа базасини яратиш, селекция усулларидан фойдаланиб Республика ҳудудида урчитилаётган барча турдаги чорва молларнинг насл сифатини яхшилаш, уларнинг биологик хусусиятларини чуқурроқ ўрганиш учун наслчилик ишини ривожлантириш, унинг сифатини янада яхшилаш борасида Вазирлар Маҳкамаси томонидан қонун-қоидалар ва қарорлар қабул қилинди. Жумладан, 1993 йил 15 март 137-сонли қарори «Республика чорвачиликда иқтисодий ислоҳотини чуқурлаштириш чора-тадбирлари» тўғрисида, 1994 йил 25 февраль 87-сонли қарор «Чорвачиликда ислоҳотни такомиллаштириш, ҳамда деҳқон (фермер) хўжаликлари ва хусусийлаштирилган фермер манфаатларини ҳимоя қилиш тўғрисида», 1995 йил 24 март 96-сонли қарор «Чорвачиликда хусусийлаштиришни давом эттириш ва хусусий тадбиркорликни қўллаб-қувватлаш чора-тадбирлари тўғрисида», 1995 йил 25 декабрдаги «Наслчилик тўғрисида»ги қонун ва 1996 йил 30 августда қабул қилинган «Селекциялар тизимлари тўғрисида»ги қонун, 1997 йилдан «Шахсий, ёрдамчи ва деҳқон хўжаликларини давлат йўли билан қуллаб-қувватлаш ҳамда мамлакатни озиқ-овқат билан таъминлашда уларнинг ролини кучайтириш борасидаги чора-тадбирлар тўғрисида»ги Вазирлар Маҳкамаси қарори, 1999 йилдаги «Республикамизда деҳқон (фермер) хўжаликларини янада мустаҳкамлаш ва ишбилармонлигини давлат йўли билан қўллаб-қувватлаш тўғрисида»ги Вазирлар Маҳакамаси қарори қабул қилинди ва бу қарорлар амалиётга тадбиқ этилиб, маълум натижаларга эришилмоқда.