Ушбу битирув малакавий ишида ўғирлик йўли билан ўзгалар мулкини талон тарож қилиш жинояти учун жавобгарлик муаммолари ёритиб берилган. Тадқиқотда ўзгалар мулкини талон - торож қилиш жинояти тушунчаси ва мазмун-моҳияти, ўғрилик жиноятининг тушунчаси ва унинг объектив ва субъектив белгилари, оғирлаштирувчи ҳолатларда ўғрилик жинояти тушунчаси, оғирлаштирувчи ҳолатларда ўғрилик жиноятининг турлари ва мазмуни ва оғирлаштирувчи ҳолатларда ўғрилик жинояти учун жавобгарлик масалалари ўз ифодасини топган.Ҳар бир жамиятнинг иқтисодий асосларини ишлаб чиқариш қуроллари, воситалари ҳамда истеъмол молларидан иборат бўлган мулк ташкил қилади. Давлат ва жамиятнинг иқтисодий қудрати кўп жихатдан унинг ижтимоий, сиёсий, маданий аҳволини белгилайди. Шунга кўра мулкчилик шаклидан қатъий назар уни ривожлантириш, ҳар қандай тажовуз ва талон-торож қилишлардан ҳимоя қилиш ҳар доим давлатнинг муҳим вазифаларидан бири бўлиб келган. Ўзбекистон Республикасининг амалдаги жиноят қонунида мулкни талон-торож қилишнинг бир қатор шакллари учун жавобгарлик белгиланган бўлиб, улардан бири ўғрилик жиноятидир. Айнан мавзунинг долзарблиги ҳам давлатимиз томонидан муҳофаза этиб келинаётган мол-мулкларни яширин равишда талон-торож қилиниши ва мазкур жиноятнинг тури ва кўламини кенгайиб бораётганлигидадир.