Сўнгги йилларда ўзбек тилшунослигида тил ҳодисаларини, жумладан, тилнинг луғат сатҳига оид ҳодисаларни ҳам анъанавий, ҳам системавий тилшунослик нуқтаи назаридан тадқиқ этишда муайян натижаларга эришилди. Ҳар бир тил, асосан, ўз луғат бойлиги ва грамматик қурилиши асосида ўз тараққиёт қонунлари бўйича ўсиб, такомиллашиб боради. Бундан ташқари, тил жамоаларининг ўзаро алоқалари натижасида бир тил иккинчисини бойитади.