Бижғиш жараёнида баъзи ачитқи ферментларнинг фаоллигини кузатиш ва усулларини аниқлаш.Инвертаза саноат аҳамиятига молик ферментлардан биридир. Инвертаза саноатда, яъни қандолат маҳсулотлар, мураббо ва сунъий асал ишлаб чиқаришда, шакарни кристализациялаш-дан химоя қилиш учун қўлланилади.
Хозирги пайтгача ачитқи фермент препарати мувафаққият билан фойдаланилмоқда. Ажратиб олиш усуллари технологик эмаслиги учун, соф ферментнинг нархи жуда қиммат бўлиб, озиқ-овкат технологиясида ишлатишда муаммо бўлиб турибди. Шунинг учун биотехнологлар хар хил арзон фермент ажратиб олиш манбалари ва усуллари устида изланиш олиб бормоқдалар.
Адабиётлардаги маълумотларга кўра, Ркацители-6 ачитқисини чекланган шароитда узлуксиз усулда культивациялаш жараёнида инвертазани юқори миқдорда синтезланиши кузатилади. Бу маълумотлар озиқ-овқат саноатида ишлатиладиган инвертаза препаратларини олишга асос бўлиши мумкин.