O`quv faoliyati borasidagi psixologik nazariyalar tasnifi.«Kadrlar tayyorlash milliy dasturi»da o`qitish omiliga g`oyat katta ahamiyat berilgan. Inson omili bilan bog`liq milliy dasturning muhim vazifalarini hal qilishda yangi pedagogik texnologiya asosida o`qitish va o`qituvchining pedagogik mahorati g`oyat katta rol o`ynaydi. Milliy dasturni amalga oshirish bilan bog`liq muhim muammolardan biri: «…avvalo aytganimdek tarbiyachi, ya`ni o`qituvchiga borib taqalayapti»1 – deb ta`kidlaydi I.A.Karimov. «Tarbiyachilarning o`ziga zamonaviy bilim berish, ularning ma`lumotini, malakasini oshirish kabi paysalga solib bo`lmaydigan dolzarb masalaga duch kelmoqdamiz2 - deb so`zini davom ettiradi yurtboshimiz.
O`quvchilarga zamonaviy bilimlarni berish uchun, hamda keng jamoatchilik ishlarni olib borishi uchun o`qituvchilarining o`zi shunday bilimlarga ega bo`lmog`i lozim. SHuning uchun hozirgi kunda yangi turdagi dars berish qobiliyatiga ega bo`lgan pedagoglarni tayyorlash masalasi jiddiy tarzda qo`yilmoqda. O`qitish keng darajada bilim, ko`nikma va malaka berishga, shuningdek shaxsning aqliy faoliyatini rivojlantirishga qaratilgan murakkab jarayon hisoblanadi.