Talabalarda Turkistonda sovet hokimiyatning o`rnatilish jarayoni, unga qarshi milliy vatanparvar kuchlar tomonidan amalga oshirilgan qurolli haraktning mazmun-mohiyati haqidagi bilimlar berish, ularni erkin fikrlashga, shu mavzu to`g`risidagi bilimlarni yuzaga chiqarish, vatanparvar insonlarni mustabid tuzumga qarshi olib borgan qonli kurashini yoshlarni milliy istiqlol g`oyasi ruhida tarbiyalashdagi o`rni haqidagi bilim va ko`nikmalarini hosil qilish.O`zbek xalqi asrlar davomida o`z erki, milliy mustaqilligi uchun kurash olib borgan. Tarix hamisha milliy mustaqillik uchun kurashga rahnomolik qiluvchi jasur yo`lboshchilarni yetkazib bergan. Tarixi-mizning yaqin o`tmishi hisoblangan “sovet davri” qismi eng murakkab, shu bilan birgalikda fojiali davri hisoblanadi. Minglab Vatan farzandlari mustabid tuzumga qarshi o`z imkoniyatidan kelib chiqib, turli usullarda kurash olib borib, milliy istiqlol uchun kurashdilar. O`zbekistonda bolsheviklar ma’muriy boshqaruv tizimining o`rnatilishi, milliy-siyosiy kuchlar tomonidan tashkil etilgan “Turkiston muxtoriyati”ning qonga botirilishi bolsheviklar dohisi Leninning “har bir xalqning o`z taqdirini o`zi belgilashi” haqida bayonoti faqat qog`ozda ekanligini ko`rsatdi. Sovet hokimiyatiga qarshi olib borilgan qurolli harakatning mohiyatini eng yangi manbalar asosida o`rganish aslida kimni “bosmachi” deyish mumkinligi haqida tarixchi olimlar chuqur ilmiy tadqiqotlar olib bordi va bormoqda. Tarixiy haqiqatni yoshlar ongiga singdirish ularni milliy istiqlol ruhida tarbiyalashga xizmat qiladi.