Дастурлаш технологиялари фанидан амалий ва лаборатория машғулотларини бажариш учун услубий кўрсатмалар 65 бетдан иборат. Услубий кўрсатмаларда замонавий дастурлаш технологиялари асосида дастурий воситаларни яратиш усуллари, дастурий воситаларни тестлаш, созлаш, оптималлаш, ҳужжатлаштириш ва дастурий воситаларни яратишда компьютерлардан фойдаланиш, дастурий восита сифати ва асосий характеристикалари мисолларда баён қилинади.“Дастурлаш технологияси” фанининг асосий вазифалари – дастурий таъминотга қўйиладиган асосий талабларни ўрганиш ва уларни амалга ошириш йўллари хамда дастурий таъминот ишлаб чиқилишининг замонавий технологиясининг усул ва услубларини ўзлаштириш ва улардан амалда фойдаланишдан иборатдир.
Ушбу фанни ўрганиш учун талаба шахсий компютерларда ишлаш кўникмаларини, ″Информатика″ фанида ўрганилган алгоритм ва дастурларни тузишни, маълумотлар базаларининг тузилиш тамойилларини ва обьектга мўлжалланган дастурлаш тилини қўллаб дастурлаштиришни, асосий иқтисодий фанлар асосларини билишлари лозим.
Ушбу фанларнинг кўп бўлимлари ″Дастурлаш технологиялари″ ўқув курсини тўлдиради ва шу билан бир қаторда информацион тизимларнинг дастурий воситалар таҳлилини, баҳолашни, танлашни ва ишлаб чиқишни ўргатади, пировардида бакалаврларнинг билимларини кенгайтиради.
″Дастурлаш технологиялари″ фанини ўқитишда муаммоли ва очиқ маърузалар ўтказиш, компьютер техникасидан, машғулотларни ўтказишнинг фаол усулларидан, ҳолат масалалари, ишбилармонлик ўйинлари, масофавий ўқитиш усулидан кенг фойдаланилади. Ушбу фанни ўрганиш жараёнида талаба ўқув иқтисодий масалаларни амалга ошириш дастурий воситаларини ишлаб чиқилиши, масалани ечиш учун мавжуд бўлган амалий дастурлар пакетидан фойдаланиши керак.