Transport vositalarining tuzilishi va nazariyasi

O`quv qo`llanmasida keltirilgan masalalar avtomobil nazariyasining tortish va tormozlanish dinamikasi bo`limlarini o`z ichiga olgan. Qo`llanma avtomobil-yo`llar institutining 5521100 – «Yer usti transport tizimlari», 5521200 – «Transport vositalarini ishlatish va ta’mirlash» 5521300 – “Elektrotexnik, elektyromexanika”, hamda 5140900 – «Kasbiy ta’lim» bakalavriat ta’lim yo`nalishlari talabalari uchun mo`ljallangan. O`quv qo`llanmasidan barcha Oliy o`quv yurtlarining shu yo`nalishlarda ta’lim oluvchi talabalari, kollej o`quvchilari ham foydalanishi mumkinMa’lumki, har bir fanni o`zlashtirishda, ya’ni uning nazariy qismini mutolaa qilish davrida, amaliy masalalarni ham yechib borish uni puxta o`rganishning asosini tashkil etadi. Shu boisdan ham o`quvchilarning mustaqil o`qish va fikr yuritish jarayonini samarali tashkil etish va amalga oshirish oliy maktabning bugungi talabiga mos keladi. O`quv qo`llanmani yozishdan asosiy maqsad o`quvchilarning o`zlashtirgan nazariy bilimlarini mustaqil masala yechib borish jarayonida mustahkamlashdan iboratdir. Ushbu masalalar to`plamini tuzishda quyidagilarga amal qilindi: — masalalar «Avtomobillar nazariyasi» fani dasturida o`rganiladigan avtomobil dinamikasi ekspluatatsion xususiyatini qamrab oladi; — masalalar «oddiydan murakkabga» tarzida joylashgan bo`lib, bu o`quvchilarning har biriga alohida yondoshib o`qitishga imkon beradi; — masala shartlariga zamonaviy avtomobillarning texnik-iqtisodiy ko`rsatkichlari kiritilgan;