Ҳайвонлар организмида минераллар алмашинуви пaтолoгияси ва мавзуни ўқитиш услуби ҳақида.Қишлоқ хужалик ҳайвонлари учун ҳаётий муҳим ҳисобланган минерал моддаларнинг асосий манбаси ўсимлик озуқаси ҳисобланади. Ўсимлик озуқалари таркибидаги минерал моддаларнинг миқдори эса озуқа сифати, уни тайёрлаш муддати, агротехникаси, яйловлар типи, ўсимликларнинг вегетация фазаси, тупроқ шароити, озуқа тури ва бошқа биогеохимиявий омилларга боғлиқ.
Ҳайвонлар организмида моддалар алмашинувига таъсир этувчи асосий омиллардан бири, тупроқ, табиий сув ва яйлов ўсимликларининг химиявий таркиби ҳисобланади. Химиявий муҳит ва тирик организм ўртасидаги чамбарчас боғлиқлик асосидаги академик В.И.Вернадский таълимоти негизидаги А.П.Виноградовнинг биогеохимик провинциялар тўғрисидаги таълимотига химиявий элементларнинг ҳайвонлар ва инсонлар организмидаги роли ва аҳамияти асос қилиб олинган.