Иқтисодиётни модернизациялаш шароитида амалга оширилаётган иқтисодий ислоҳотлар мамлакатимиз иқтисодиётининг барча тармоқларини барқарор суръатлар билан ўсишини таъминлаб, маҳсулот ишлаб чиқаришни кўпайтириш билан бирга, унинг сифатини яхшилаш, ички ва ташқи бозорда рақобатбардошлигини ошириш имконини бермоқда. Таҳлиллар шуни кўрсатадики, мавжуд меҳнат, моддий ва молиявий ресурслардан самарали фойдаланишга қарамасдан, қишлоқ хўжалигининг айрим тармоқларида мавжуд моддий ресурслардан фойдаланишда ҳали ишга солинмаган резервлар мавжуд. Айниқса етиштирилаётган маҳсулотлар таннархида меҳнат сиғимининг анча юқорилиги, қишлоқ хўжалиги ишлаб чиқаришни техник ва технологик жиҳатдан қайта қуроллантириш тадбирларининг кенг миқёсда амалга ошириш ҳисобига меҳнат унумдорлигини ошириш лозимлигини кўрсатмоқда. Бундан ташқари, мавжуд асосий воситалардан фойдаланиш даражаси, уларнинг ўртача иш унуми ривожланган мамлакатлар кўрсаткичидан пастлигича қолмоқда.
Шулардан келиб чиққан ҳолда бугунги кунда, қишлоқ хўжалик корхо-
наларида маҳсулот ишлаб чиқариш ҳажмини кўпайтириш, маҳсулот сифатини яхшилаш, таннархини пасайтириш, ишлаб чиқариш самарадорлигини оширишга эришиш йўлларидан бири асосий воситалар самарали фойдаланиш ҳисобланади. Чунки асосий воситалардан фойдаланиш самарадорлигининг ошиши маҳсулот таннархини пасайтириш, олинаётган фойда миқдорини кўпайтириш билан бирга, қишлоқ хўжалик корхоналарини иқтисодиётини мустаҳкамлашга, меҳнат унумдорлигининг ошишига олиб келади. Асосий воситалардан фойдаланиш самарадорлигини оширишда улар ҳолати ва ҳаракати бухгалтерия ҳисобини тўғри ташкил этиш ва юритиш асосида таъминланади.