Ushbu uslubiy ko`rsatma fizika fanining “Mexanika va molekulyar fizika” bo`limlari bo`yicha tayanch kartochkalari to`plamidan iborat bo`lib, u talabalarning mustaqil ta`limini yo`naltirishga qaratilgan. Uslubiy ko`rsatma 17 ta tayanch kartochkasidan tashkil topgan va bularning 8 tasi mexanika bo`limiga tegishli. Tayanch kartochkalari tegishli rasmlar va formulalar, jadvallar bilan yoritilgan. Institut o`quv-uslibiy komissiyasi tomonidan nashrga tavsiya etilgan.Har qanday ta`lim singari, fizika ta`limi ham umumiy didaktik maqsadlarni – talabalarning ma`lumot, tarbiya olish va rivojlanishlarini ko`zlaydi. Bu maqsadlar orasida mazmuni bo`yicha ham, amalga oshirish uslublari bo`yicha ham hech qanday chegara yo`q – ta`lim berish jarayonida talabalar bilim va mahorat oladilar, ammo shu bilan birga ularga ma`naviy tarbiya berish va aqliy rivojlanishlari jarayoni ham ketadi.
Fizika ta`limining ma`lumot berish maqsadini quyidagi ko`rinishda ifodalsh mumkin:
- fizika faninig asoslari-asosiy tushunchalari, qonunlari va nazariyalari bilan tanishish;
- talabalar ongida bizni o`rab turgan dunyoning tabiiy-ilmiy manzarasini shakllantirish;
- tabiiy-ilmiy tekshirish metodlarining asoslarini egallsh;
- talabalarni amaliy malaka bilan qurollantirish va ijtimoiy mehtatga tayyorlash.
Ta`lim maqsadlari ma`lum ma`noda u yoki bu o`quv materialining ahamiyatini baholashga imkon beradigan ta`qiqlovchi faktor bo`lib xizmat qilishi mumkin. U yoki bu masalaning ahamiyati uni asosiy dasturga kiritish kerakmi yoki mustaqil ta`lim dasturigami yoki uni butunlay dasturdan chiqarib tashlash mumkinligi haqida fikr yuritishga imkon beradi. Agar u dasturga kiritilsa, uni qay darajada o`rganish va o`rganishda nimalarni asos qilib, nimalarga ko`proq ahamiyat qaratish masalasida talabaga yo`llanma sifatida “tayanch kartochkalari” usulidan foydalanish ma`qul.
Talabalarning mustaqil ta`limini tashkil qilishlarida tayanch kartochkalarining ahamiyati katta. Ta`limning, jumladan mustaqil ta`limning eng optimal usuli uni “tayanch kartochkalari” asosida olib borish, chunki bunda yodda saqlash, o`xshash faktlar bir zumda ko`z o`ngimizda gavdalanadi. Agar shu “tayanch kartochkalari”dan professor-o`qituvchilar o`z ma`ruzalarida ham foydalansalar nur ustiga a`lo nur bo`ladi.
Ushbu uslubiy ko`rsatmada “mexanika va molekulyar fizika” bo`yicha “tayanch kartochkalari” jamlangan bo`lib u TTYMIning barcha yo`nalishlarda ta`lim olayotgan 1-kurs talabalari uchun “fizika” fanidan mustaqil ta`limlarini amalga oshirishda ko`rsatma sifatida tayyorlangan.