Mazkur bitiruv malakaviy ishimizning asosiy maqsadi, hozirgi dariyzabon hikoyalarida ayollar obrazini yuqorida ko`rsatilgan ikki ijodkor asarlari misolida qanday talqin qilinayotganligini imkon qadar tahlil qilishdan iboratdir. Mazkur iwga Rahnavard Zaryob va Spujmay Zaryob hikoyalari asosiy manbaa bolib hizmat qildi.Bugungi kun dariyzabon adabiyotida zamonaviy nasriy turlar ko`lami juda keng. Lekin ularning ichida hikoyachilik boshqalariga nisabtan kengroq rivoj topmoqda. Chunki hikoya xalq hayotini osonlik bilan aks ettirgani sabab ham aholi o`rtasida tez tarqaladi, ular hayotini ochib beradi. Ulardagi obrazlarning tanlanish jarayoni bugungi Afg`oniston ijtimoiy hayotini yaqqol ko`rsatib turadi. Ma’lumki, adabiyotning bosh obrazi bu – inson. Ayol uning yaratuvchisidir. Shularni inobatga olgan holda biz aynan zamonaviy dariyzabon adabiyotida ayol obrazini tanladik va uning o`rganilish jarayonini muhim deb topdik. Chunki jamiyatning qay darajada taraqqiy etishi, insonlarning farovonligining barchasi ayol siymosida namoyon bo`ladi.
Aynan dariyzabon adabiyotida bu mavzu to`la tahlil qilib o`rganilmagan. Shu sababdan ham bu mavzuning chuqurroq tahlil qilib o`rganishga qaror qildik.
Bizning adabiy tadqiqotimizning asosi bo`layotgan ayol obrazi quyidagi zamonaviy dariyzabon adabiyoti vakillari ijodinining ma’lum qismini qamrab oladi: Akrom Usmon, Babrak Argand, Qadir Habib, Rahnavard Zaryob, Spujmay(Rauf) Zaryob, Maryam Mahbub va boshqalar.