Электрон шыраларды, конденсаторларды, электрон линзаларды ҳəм басқада
əсбапларды қурастырғанда қурамалы формадағы электродлар арасындағы кеңисликтеги
электр майданының бөлистирилиўин билиў қəжет болады. Буны аналитикалық есаплаў
электродлардың əпиўайы конструкциялары ушын ғана мүмкин болады, ал улыўма
жағдайда дерлик мүмкин емес. Сонлықтан қурамалы электростатикалық майданлар
экспериментал изертленеди. Бундай изертлеўлер ушын электролитлик ванна усылы жийе
қолланылады. Бул усылға майданның ҳəр қыйлы точкасындағы кернеўлиликтиң,
потенциалдың бөлистирилиўи тəжирийбеде анықланады.