Болалик даврида асаб-руҳий бузилишларни ўрганиш долзарб тиббий-ижтимоий муаммолардан бири ҳисобланади. Шунинг учун ҳам жисмонан, ҳам руҳан тетик авлодни вояга етказиш шифокорлар ва психологлар олдига катта вазифаларни кўндаланг қилиб қўяди.
Болаларда асаб-руҳий бузилишларни ўз вақтида аниқлаш долзарб муаммолардан биридир. Нейропсихологик ривожланишида патологик ўзгаришлар мавжуд бўлган болаларни ҳар бир мактабда учратиш мумкин. Бунга тарбиячилар ва ўқитувчилар ўз вақтида эътибор қаратиб психологга мурожаат қилиши, боланинг ота-онасига хабар бериши лозим. Ваҳоланки ота-оналар ўз боласидаги психологик ўзгаришларни “боламнинг ҳулқ-атвори ўзи шундай” деб эътибор қилмай юришади.
Ўқув-услубий қўлланмада болаларда учрайдиган асаб-руҳий бузилишлар турлари, сабаблари, клиникаси даволаш ва профилактикаси ҳақида сўз кетади.