- Бош мия яллиғланиш касалликлари ҳақида умумий маълумот бериш;
- Менингитларда кузатиладиган нейропсихологик бузилишлар ҳақида маълумот бериш;
- Энцефалитларда кузатиладиган нейропсихологик бузилишлар ҳақида тушунча бериш;
- Иккиламчи менингоэнцефалитларда кузатиладиган нейропсихологик бузилишлар ҳақида тушунча бериш;
- Мия абсцессида кузатиладиган нейропсихологик бузилишлар ҳақида тушунча бериш.
Тўғри ва самарали олиб борилган даво натижасида касалликнинг ўткир даври 2-3 ҳафтадан ортиқ давом этмайди. Касалликнинг неврологик белгилари аста-секин ўта бошлайди. Бош мия яллиғланиш касалликларида нейропсихологик бузилишлар неврологик кўрсаткичлардан олдин пайдо бўлишига қарамай, бемор тузалгандан кейин хам нейропсихологик бузилишлар неврологик синдромларга караганда узоқ муддатгача сақланиб қолади. Менингит ўтказган беморларда реабилитация чоралари ўтказилаётганда шу жиҳатга эътибор бериш талаб қилинади.
Шундай килиб менингитларнинг клиник манзараси нейропсихологик бузилишларга бой булади. Уларнинг ичида энг кенг тарқалгани - бу асаб тизимининг цереброастеник синдром кўринишидаги функционал бузилишларидир. Бу синдром енгил ҳаракатлар қилганда тез чарчаш, диққатнинг пасайиши, чалғувчанлик, мнестик жираённинг сусайиши, хулқ-атвор бузилишлари билан тавсифланади.