Маълумки тўғри ва онгли тарбия инсоннинг инсонлигини таъминлайди. Бу эса инсоннинг касбий етук, ахлоқий баркамол ва интеллектуал салоҳиятлилиги ҳамда маънавий юксаклигини талаб этади.
Шу сабабли ёшларнинг ҳаёт сўқмоқларида адашмасликларини таъминлаш, уларни замоннинг бўрону – тўфонлардан ҳимоя қилиш тарбиянинг ҳаёт-мамот масаласи эканини одамларга (тарбиячиларга, ўқитувчиларга), кенг жамоатчиликка қайта-қайта тушунтириш зарур. Бунда талаба-ёшлар маънавий-иммунологий тарбия (МИТ)си ниҳоятда муҳим ҳисобланади ва бу орқали ғоявий бўшлиққа йўл қўймасликка эришиш мумкин. Шунинг билан бирга бу қайд этилганларнинг барчаси тарбия соҳасидаги амалга ошириш лозим бўлган фаолиятнинг ниҳоятда муҳимлиги, серқирралиги ва долзарблигини кўрсатади.