Мен ёшлигимдан математика фанига қизиқаман. Шунинг учун асосини математика ташкил этувчи иқтисодиёт йўналишини танлаганман. Устозларимдан бири “Математика-фанлар калити” кимда ким математикани яхши билса бошқа фанларни ҳам яхши била олади - деган эди анча йиллар олдин. Лекин, ҳаётни ўтмишсиз, тарихсиз тасаввур қилиб бўлмайди. Биз мустақиллик мевалари, мустақиллик тенгдошларимиз. Мустақиллик йилларида тарихни, ўтмишни ўрганиш энг юқори босқичга чиқди. Бизнинг устозларимиз, акаларимиз тарихни бизчалик мукаммал ўрганишмаган, билишмаган. Айниқса, бугун Ўрта Осиё тарихини, буюк юртдошларимизни меросини ўрганиш учун барча шароит етарли. Мен бир бўлажак иқтисодчи сифатида қадимда ота-боболаримиз қандай ҳисоб-китоб билан шуғулланишганлиги билан жуда қизиқаман. Боболаримиз математика фанига қандай муносабатда бўлган? Ҳисоб-китобни нима билан қилишганлигига қизиқаман. Биз ёшлар тарих фани орқали Ўзбекистонни ижтимоий-сиёсий аҳволи, ривожланиш босқичлари, унинг халқаро миқёсидаги ўрни ва бошқалар ҳақида маълумотларга эга бўламиз.