Тадбиркорлик субъектлари фаолиятининг эркинлиги ва ҳуқуқий жиҳатдан ҳимоя қилинганлиги бир нечта омилларга боғлиқ бўлади. Буларга тадбиркорлик субъектларини давлат рўйхатидан ўтказиш, қонунда тақиқланмаган фаолият билан эркин шуғулланиш, уларнинг фаолиятини давлат томонидан назорат қилишнинг ҳуқуқий тартибга солинганлиги, улар иштирок этаётган низоларнинг тез ва ўз вақтида ҳал этилиши ҳамда улар томонидан ўз фаолиятларини тугатиш. Ҳозирги пайтгача мазкур йўналишларда бир нечта қонун ҳужжатлари қабул қилинди. Масалан, Ўзбекистон Республикаси Президентининг 2006 йил 24 майдаги “Тадбиркорлик субъектларини давлат рўйхатига олиш ва ҳисобга қўйишнинг хабардор қилиш тартибини жорий этиш тўғрисида”ги Қарори билан тадбиркорлик субъектларининг давлат рўйхатидан ўтказиш тартиби бир мунча соддалаштирилди. Ўзбе¬кистон Республикасининг 1998 йил 24 декабрдаги "Хўжалик юритув¬чи субъектлар фаолиятини давлат томонидан назорат қилиш тўғри¬сида"ги қонуни ижросини таъминлаш юзасидан “Назорат қилувчи органлар томонидан ўтказиладиган, тадбиркорлик субъектлари - юридик шахслар фаолиятини текширишларни мувофиқлаштириш тартиби тўғрисида”ги ҳамда “Назорат қилувчи органлар томонидан якка тартибдаги тадбиркорлар фаолиятини текширишларни ташкил¬лаштириш тартиби тўғрисида”ги Низомлар қабул қилинди