Ўзбекистонда аҳолини ижтимоий ҳимоялаш иқтисодий ислоҳотлар дастуридаги узлуксиз устивор йўналишлардан бирига, яъни ислоҳотларнинг ҳамма босқичларида устивор ҳисобланадиган вазифалар қаторига киради. Ўзбекистоннинг ўз истиқлол ва тараққиёт йўлининг етакчи тамойилларидан бири кучли ижтимоий сиёсатдир.
Маълумки, ижтимоий ёрдам ёки ижтимоий ҳимоя ҳамма давр, халқлар ва давлатлар учун умумий бўлгандир. Чунки бу вазифа давлатнинг асосий мақсадларидан бири бўлган. Шунинг учун Ўзбекистоннинг энг асосий хусусиятларидан бирини эътиборга олганда, яъни демографик вазиятни, нафақахўрларга, кўпболали оилаларга ва болаларга бозор муносабатларига мос ижтимоий ёрдам тизимини барпо этиш долзарб масала ҳисобланади ва бу жараёнга магистрларни ўқитиш дастурига биноан катта эътибор берилган. Дарслик магистрлар, профессор ўқитувчилар, амалиёт билан шуғулланувчи мутахассислар ва бошқа қизиқувчилар учун мўлжалланган.