Тасвирий санъат асарларини яратишда чизматасвирнинг усул ва қоидаларини ўргатиш йўллари
Ўзбекистоннинг мустақиллиги миллий тасвирий санъатни тараққиётига
замин яратди. Бу даврда тасвирий санъатнинг чизматасвир, хайкалтарошлик,
графика турлари, унинг кўпгина жанрлари рассом ва хайкалтарошларнинг
эркин ижодий фаолиятлар кенг тус олди. Собиқ Иттифоқ даврида ижодкорлар
ягона социалистик реализм оқимида ижод қилган бўлсалар, хозир улар ҳам
иккиланмасдан ўзларини қизиқтирираётган авангардизм, романтизм,
импресионизм, абстракционизм ва бошқа қатор оқимларда ва мавзуларда юксак
бадиий савияда асарлар яратмоқдалар.