Республикамызда бүгинги күнде компьютер технологиялары ҳəм Интернет
тармағын раўажландырыўға үлкен əҳмийет қаратылып атыр. Булардан келип
шығып, билимлендириў системасында оқыў орынларында информатика ҳəм
информациялық технологиялар пəнлериниң оқытылыўы, анығырақ айтатуғын
болсақ тəлим бериў саласында аралықтан оқытыў усылларынан пайдаланыў
дəўир талабы болып бармақта. Бизиң пикиримизше Web – ҳүжжетлерин
жаратыўды үйрениў, аралықтан оқытыў системаларын жаратыў, Интернет
тармағы менен информациялар алмасыўда талабалар ҳəм мектеп
оқыўшыларына ашық доступлар жаратып бериў актуаль мəселелерден деп
қараўымыз мүмкин. Əлбетте бундай мүмкиншиликлерди жаратыў ушын
жеткиликли дəрежеде программалық мүмкиншиликлерди билиўимиз зəрүр. Бул
методикалық қолланбада усы Web – ҳүжжетлерин ҳəм электрон
қолланбаларды жаратыўға мүмкиншилик бериўши HTML тили ҳəм Macromedia
DreamWeaver программалары ҳаққында сөз етилген.