O`zbek tili -- O`zbekiston Respublikasining davlat tili. Binobarin, tilga hurmat – elga hurmat, tilga е’tibor elga e’tibordir. Chunki til xalq tarixi, hayotimiz ko`zgusidir. “O`z fikrini mutlaqo mustaqil, ona tilida ravon, go`zal va lo`nda ifoda eta olmaydigan mutaxassisni, avvalambor, rahbar kursisida o`tirganlarni bugun tushunish ham, oqlash ham qiyin”, -- degan edi yurtboshimiz Oliy Majlisning IХ- sessiyasida so`zlagan nutqida. Ayni fikrlarning boshqa tillarda so`zlashuvchu yurtdoshlarimizga ham taalluqli ekani shubhasiz.
Qo`lingizdagi “O`zbek tili” darsligi o`rta maxsus, kasb –hunar ta’limi muassasalarining ta’lim boshqa tillarda olib boriladigan guruhlari uchun mo`ljallangan.
Darslikda nazariy bilimlar bilan amaliy bilimlar uyg`unlikda olib borildi.
Darslikda asosiy diqqat-e’tibor amaliyotga – so`zlashuv nutqiga - nutq o`stirish muammosiga, til ta’limining kommunikativ tamoyiliga qaratildi.
Shunga ko`ra, darslikda mashg`ulotlar, topshiriqlar, matnlar, tarjimalar va lug`atlar asosiy o’rin tutadi. Shuningdek, darslikda rusiyzabon talabalarga amaliyotda erkin foydalanishlari uchun faol ishlatiladigan ayrim hujjatlarnirasmiylashtirish tartibi keltiriladi.
Har bir mashg’ulot 2 soatga mo’kjallangan bo’lib, zarur hollarda o’qituvchi berilgan matnni litsey (kollej) yo’nalishidan kelib chiqib almashtirishi mumkin.