Мустақиллик йилларида жамиятимиз ижтимоий-маънавий ҳаётида туб ислоҳотлар амалга оширилди. Мазкур ислоҳотларнинг мақсади миллий маданий қадриятлар ва аждодлар меросини қайта тиклаш, уларнинг мазмунини келгуси авлодларга етказиш, инсонпарварлик, бағрикенглик тамойиллари асосида баркамол авлодни шакллантириш, кўп миллатли мамлакатимиз халқларининг тили, урф-одатлари, анъаналари, динидан қатъий назар ўзаро тенглик тамойиллари асосида жамиятни тараққий эттиришдан иборатдир.